मोहन भागवत आज भोपाळ दौऱ्यावर, विद्या भारतीच्या प्रशिक्षण शिबिराचे करणार उद्घाटन
Madhya Pradesh News : भोपाळमध्ये विद्या भारती अखिल भारतीय शिक्षा संस्थेच्या सुमारे ७०० कार्यकर्त्यांसाठी आयोजित प्रशिक्षण शिबिराचे राष्ट्रीय स्वयंसेवक संघाचे प्रमुख मोहन भागवत आज औपचारिक उद्घाटन करतील.
मिळालेल्या माहितीनुसार राष्ट्रीय स्वयंसेवक संघाचे (आरएसएस) सरसंघचालक मोहन भागवत आज म्हणजेच मंगळवार, ४ मार्च रोजी येथे विद्या भारती अखिल भारतीय शिक्षा संस्थेच्या सुमारे ७०० कार्यकर्त्यांसाठी प्रशिक्षण शिबिराचे औपचारिक उद्घाटन करतील.
या संदर्भात संघाच्या अधिकाऱ्याने सांगितले की, ८ मार्च रोजी शिबिराच्या समारोप सत्राला केंद्रीय शिक्षण मंत्री धर्मेंद्र प्रधान, मध्य प्रदेशचे मुख्यमंत्री मोहन यादव आणि आरएसएसचे विचारवंत आणि विद्या भारतीचे वरिष्ठ सल्लागार सुरेश सोनी संबोधित करतील. तसेच संपूर्ण प्रशिक्षण शिबिरादरम्यान संघाचे संयुक्त सरचिटणीस कृष्ण गोपाल उपस्थित राहतील.
Edited By- Dhanashri Naik
