Monkeypox in Delhi: दिल्लीत नायजेरियन महिलेत मंकीपॉक्सची पुष्टी, राजधानीत नववा रुग्ण आढळला
सोमवारी दिल्लीत मंकीपॉक्सचा आणखी एक रुग्ण आढळून आला. सोमवारी एका नायजेरियन महिलेमध्ये मंकीपॉक्सची पुष्टी झाली. यासह, राष्ट्रीय राजधानी दिल्लीत मंकीपॉक्सचे नऊ रुग्ण आढळले आहेत. याआधी शुक्रवारी मंकीपॉक्सचा आठवा रुग्ण आढळला होता. आधीच आफ्रिकन वंशाच्या महिलेला मंकीपॉक्सची लक्षणे दिसू लागल्याने तिला लोकनायक रुग्णालयात दाखल करण्यात आले होते. या महिलेचा अहवाल शुक्रवारी पॉझिटिव्ह आला.
दिल्लीत आतापर्यंत मंकीपॉक्सचे नऊ रुग्ण आढळले असून त्यापैकी 5 रुग्णांना डिस्चार्ज देण्यात आला आहे, तर तीन रुग्ण रुग्णालयातच दाखल आहेत. यासंदर्भात रुग्णालयाचे वैद्यकीय संचालक डॉ.सुरेश कुमार यांनी सांगितले की, मंकीपॉक्सची लागण झालेल्या तीन महिला रुग्णालयात दाखल आहेत. सर्व महिला आफ्रिकन वंशाच्या आहेत. त्यांची प्रकृती सुधारत असल्याचे त्यांनी सांगितले. मंकीपॉक्सच्या संसर्गाने रुग्णालयात दाखल झालेल्या कोणत्याही रुग्णाची प्रकृती अधिक गंभीर झालेली नाही.
