Parliament Budget Session: संसदेचे अधिवेशन 31 जानेवारीपासून सुरू, केंद्रीय अर्थसंकल्प 1 फेब्रुवारीला सादर केला जाईल

संसदेचे अर्थसंकल्पीय अधिवेशन 31 जानेवारीपासून सुरू होऊ शकते. एएनआय या वृत्तसंस्थेनुसार संसदेचे अर्थसंकल्पीय अधिवेशन 6 एप्रिलपर्यंत सुरू राहू शकते. अधिवेशनाची सुरुवात लोकसभा आणि राज्यसभेच्या संयुक्त अधिवेशनाने होणार आहे. यादरम्यान राष्ट्रपती द्रौपदी मुर्मू दोन्ही सभागृहांना संबोधित करणार आहेत. संसदेच्या दोन्ही सभागृहांना त्यांचे हे पहिलेच भाषण असेल.

मिळालेल्या माहितीनुसार अर्थसंकल्पीय अधिवेशनाच्या पहिल्या दिवशी दोन्ही सभागृहात आर्थिक सर्वेक्षण सादर केले जाणार आहे. यानंतर अर्थमंत्री निर्मला सीतारामन संसदेत केंद्रीय अर्थसंकल्प सादर करतील. १ फेब्रुवारीला अर्थसंकल्प सादर केला जाऊ शकतो. सत्राचा पहिला भाग 10 फेब्रुवारीपर्यंत सुरू राहू शकतो. यानंतर अर्थसंकल्पीय अधिवेशनाचा दुसरा भाग 6 मार्चपासून सुरू होईल आणि तो 6 एप्रिलपर्यंत सुरू राहू शकेल.

अर्थसंकल्पीय अधिवेशनाच्या पहिल्या भागात दोन्ही सभागृहांमध्ये राष्ट्रपतींच्या अभिभाषणावरील धन्यवाद प्रस्तावावर चर्चा होईल. यानंतर केंद्रीय अर्थसंकल्पावर चर्चा होईल. राष्ट्रपतींच्या अभिभाषणावरील आभार प्रस्तावाला पंतप्रधान नरेंद्र मोदी उत्तर देतील. केंद्रीय अर्थसंकल्पावरील चर्चेला अर्थमंत्री सीतारामनही उत्तर देतील.

Edited By - Priya DIxit