रविवार, 21 एप्रिल 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Updated : बुधवार, 12 जुलै 2023 (17:12 IST)

एअर इंडियाच्या विमानात प्रवाशाने गोंधळ घातला, केबिन क्रूशी गैर वर्तन केले, पोलिसांनी अटक केली

एअर इंडियाच्या विमानात पुन्हा एकदा प्रवाशाने गोंधळ घातला. हे विमान टोरंटोहून नवी दिल्लीला येत असताना एका नेपाळी नागरिकाने गोंधळ घातला. त्याने जहाजावरील केबिन क्रू मेंबर्ससोबत गैरवर्तन केले आणि टॉयलेटचा दरवाजा तोडला. क्रू मेंबर्सने प्रवाशाला नियंत्रणात ठेवण्याचा प्रयत्न केला आणि पायलटनेही त्याला शांत करण्याचा प्रयत्न केला पण त्याने गोंधळ सुरूच ठेवला. त्यानंतर विमान IGI विमानतळावर उतरल्यानंतर आरोपी प्रवाशाला पोलिसांच्या ताब्यात देण्यात आले.
 
याप्रकरणी गुन्हा नोंद करून तपास करत आहेत. महेश सिंग पंडित असे आरोपी प्रवाशाचे नाव आहे. 8 जुलै रोजी तो टोरंटो विमानतळावरून नवी दिल्लीला जाणाऱ्या एअर इंडियाच्या विमानात बसला. पोलीस सूत्रांचे म्हणणे आहे की, टेक ऑफ केल्यानंतर काही वेळातच प्रवाशाने आपल्या इच्छेनुसार सीट बदलली. क्रू मेंबर्सने आक्षेप घेतल्यानंतर आरोपींनी त्यांना शिवीगाळ करण्यास सुरुवात केली.
 
या दरम्यान क्रू सदस्य प्रवाशांना जेवण देत असताना त्यांना टॉयलेट मधून काहीतरी जळण्याचा वास आला अलार्म सिस्टमद्वारे इशारा देण्यात आला. इशारा मिळताच क्रू मेंबर्स टॉयलेटच्या दिशेने धावले. दरवाजा उघडला असता आत महेशसिंग दिसले. त्याच्या हातात लायटर होता आणि टॉयलेट धुराने भरले होते.

आरोपीने क्रू सदस्यांना ढकलून तेथून पळून जाण्याचा प्रयत्न केला. त्याला रोखण्याचा प्रयत्न केला  त्याने शौचालयाचे दार तोडून शिवीगाळ केली. परिस्थिती चिघळत असल्याचे पाहून क्रू मेंबरने विमानाच्या पायलटला माहिती दिली. पायलटने आरोपी प्रवाशाला आवर घालण्याची सूचना केली.पोलिसांनी आरोपी प्रवाशाला ताब्यात घेतले आहे. या प्रकरणाचा तपास सुरु आहे. 
 
Edited by - Priya Dixit