पंतप्रधान मोदींना कुवेतचा सर्वोच्च नागरी सन्मान; 'द ऑर्डर ऑफ मुबारक अल कबीर' ने सन्मानित
कुवेतमध्ये पंतप्रधान मोदींना तेथील सर्वोच्च नागरी सन्मानाने सन्मानित करण्यात आले आहे. कुवेतचे अमीर शेख मेशाल अल-अहमद अल-जाबेर अल सबाह यांनी पंतप्रधान नरेंद्र मोदींना 'द ऑर्डर ऑफ मुबारक अल कबीर' देऊन सन्मानित केले. पंतप्रधान मोदी दोन दिवसांच्या कुवेत दौऱ्यावर आहेत. याआधी 19 देशांनी पंतप्रधान नरेंद्र मोदी यांना त्यांच्या सर्वोच्च सन्मानाने सन्मानित केले आहे. या यादीत समाविष्ट होणारा हा 20 वा देश आहे.
भारत आणि कुवेतमधील चांगले संबंध दृढ करण्यासाठी पंतप्रधान मोदींना हा पुरस्कार देण्यात आला आहे. 'ऑर्डर ऑफ मुबारक अल कबीर' हा राष्ट्रप्रमुख आणि परदेशी सार्वभौम आणि परदेशी राजघराण्यातील सदस्यांना मैत्रीचा इशारा म्हणून दिला जातो. पीएम मोदींपूर्वी बिल क्लिंटन, प्रिन्स चार्ल्स आणि जॉर्ज बुश यांसारख्या परदेशी नेत्यांनाही 'द ऑर्डर ऑफ मुबारक अल कबीर' पुरस्काराने सन्मानित करण्यात आले आहे.
Edited By - Priya Dixit
