RBI गव्हर्नर रुग्णालयात दाखल, चेन्नईमध्ये उपचार सुरू
Chennai News: केंद्रीय बँक रिझर्व्ह बँक ऑफ इंडियाचे गव्हर्नर शक्तीकांत दास यांना तब्येतीच्या उपचारासाठी चेन्नई येथील अपोलो रुग्णालयात दाखल करण्यात आले आहे. आरबीआयच्या अधिकाऱ्याने माहिती देताना सांगितले आहे की, शक्तीकांत दास बरे आहे, त्यांच्या तब्येतीची काळजी करण्याची गरज नाही. आम्ही लवकरच या संदर्भात औपचारिक निवेदनही जारी करणार आहोत.
मिळालेल्या माहितीनुसार रिझर्व्ह बँक ऑफ इंडियाचे गव्हर्नर शक्तीकांत दास यांना ॲसिडिटीच्या तक्रारीमुळे रुग्णालयात दाखल करण्यात आल्याचे सांगण्यात येत आहे. त्यांना चेन्नईतील अपोलो रुग्णालयात निरीक्षणासाठी दाखल करण्यात आले आहे. पण, त्यांच्या प्रकृतीबाबत काहीही गंभीर नसून येत्या २-३ तासांत त्यांना डिस्चार्ज मिळू शकतो.
Edited By- Dhanashri Naik
