शहीद सौरभ फराटेंवर लष्करी इतमामात अंत्यसंस्कार

शहीद जवान सौरभ नंदकिशोर फराटे यांच्या कुटुंबीयांची भेट घेऊन खा. शरद पवार  यांनी त्यांचे सांत्वन केले. जम्मू-काश्मिर मधील पम्पोर भागात झालेल्या दहशतवादी हल्ल्यात त्यांना वीरमरण आले. गेल्या १३ वर्षांपासून ते भारतीय सैन्यदलाच्या सेवेत होते. शहीद सौरभ फराटे पुण्यातील हडपसर मधील गंगानगर येथे राहत होते. शहीद सौरभ फराटे यांचे बाबा नंदकिशोर फराटे आणि सासरे मनोहर भोळे यांची पवार साहेबांनी भेट घेतली. त्यांचे सांत्वन करून, आम्ही आपल्या सदैव पाठीशी आहोत असा दिलासा त्यांनी फराटे कुटुंबीयांना दिला.