गुरूवार, 28 मार्च 2024
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: सोमवार, 20 फेब्रुवारी 2023 (12:11 IST)

JNU मध्ये शिवाजी जयंतीवरून वाद, ABVP चा लेफ्टवर शिवरायांचे चित्र फेकल्याचा आरोप

नवी दिल्ली- जवाहरलाल नेहरू विद्यापीठातील वाद ही नवीन गोष्ट नाही. येथील ABVP आणि लेफ्ट विचारसरणीच्या विद्यार्थ्यांमध्ये वाद झाले आहेत. येथे पुन्हा एकदा वाद चव्हाट्यावर आला आहे. ताज्या वादात अखिल भारतीय विद्यार्थी परिषदेचे (ABVP) सदस्य आणि लेफ्टमध्ये शिवाजी जयंतीनिमित्त जेएनयू विद्यार्थी संघटनेच्या कार्यालयात हाणामारी झाली.
 
लेफ्ट कार्यकर्त्यांनी शिवाजी महाराजांच्या चित्रावरील पुष्पहार काढून खाली फेकल्याचा आरोप ABVP ने केला आहे. दुसरीकडे लेफ्टने ABVP च्या कार्यकर्त्यांवर मारहाणीचा आरोप केला आहे. यापूर्वीही जेएनयूच्या नावावरून अनेक वाद निर्माण झाले आहेत. आता पुन्हा एकदा हे विद्यापीठ चर्चेत आले आहे.
 
ABVP ने छत्रपती शिवाजी महाराज यांच्या जयंतीनिमित्त कार्यक्रमाचे आयोजन केल्याचे सांगितले. या कार्यक्रमानंतर तेथे आलेल्या लेफ्टच्या विद्यार्थ्यांनी शिवाजी महाराजांच्या गळ्यातील पुष्पहार काढून चित्र खाली फेकले.
 
ABVP ने ट्विटरवर या घटनेचे अनेक फोटो देखील शेअर केले आहेत. जेएनयूने लिहिले की विद्यार्थी संघटनेच्या कार्यालयात लेफ्टने वीर शिवाजीच्या चित्राला चढवलेला पुष्पहार काढून तेथील महापुरुषांच्या चित्रांची तोडफोड करून फेकून दिली. दोषींवर कारवाई करण्याची मागणी अभाविपने केली.
 
त्याचवेळी जेएनयू स्टुडंट्स युनियन JNUSU ने ही या संपूर्ण प्रकरणावर एक निवेदन जारी करून म्हटले आहे - अभाविपने पुन्हा एकदा विद्यार्थ्यांवर हल्ला केला आहे. हे दर्शन सोलंकी यांच्या वडिलांच्या आवाहनावर एकता दर्शविण्यासाठी कँडल मार्च काढल्यानंतर लगेचच करण्यात आले आहे. एबीव्हीपीने पुन्हा एकदा जातिभेदाविरोधातील आंदोलन रुळावरून घसरण्याचे काम केले आहे.
 
अनुसूचित जातीतील 18 वर्षीय सोलंकी याने 12 फेब्रुवारी रोजी आयआयटी बॉम्बेच्या कॅम्पसमध्ये असलेल्या वसतिगृहाच्या सातव्या मजल्यावरून उडी मारून आत्महत्या केली होती. याच्याशी एकजूट दाखवण्यासाठी जेएनयूएसयूने मेणबत्ती मोर्चा काढला होता.