कर्नाटकात प्रशिक्षण विमान मोकळ्या मैदानात कोसळले

रविवारी दुपारी कर्नाटकातील विजयपुरा जिल्ह्यात विमान अपघात झाला. कलबुर्गीच्या रेडबर्ड एव्हिएशनचे एक खाजगी मिनी-ट्रेनर विमान बाबलेश्वर तालुक्यातील मंगळुरु गावाजवळील एका मोकळ्या मैदानात कोसळले. विमान जमिनीवर आदळण्यापूर्वीच कॅप्टन कुणाल मल्होत्रा ​​आणि प्रशिक्षणार्थी पायलट गौतम शंकर पीआर हे विमानातून सुरक्षितपणे बाहेर पडले.

पोलिस सूत्रांनी दिलेल्या माहितीनुसार, हे विमान रेड बर्डचे दोन आसनी प्रशिक्षण विमान होते. अपघातापूर्वी पायलट आणि प्रशिक्षणार्थी विमानातून बाहेर पडण्यात यशस्वी झाले. धडकेनंतर विमानाचे तीन भाग झाले. अपघातात दोघेही जखमी झाले आणि त्यांना उपचारासाठी जवळच्या रुग्णालयात नेण्यात आले

पोलिस सूत्रांनी दिलेल्या माहितीनुसार, दोन आसनी असलेले सेस्ना 172 विमान कलबुर्गीहून बेळगावी जात होते. अपघातानंतर विमानाचे तीन तुकडे झाले. जखमी दोन्ही वैमानिकांना ताबडतोब जवळच्या रुग्णालयात दाखल करण्यात आले, जिथे त्यांची प्रकृती स्थिर असल्याचे सांगण्यात आले. 

रविवारी कर्नाटकात रेडबर्ड फ्लाइट ट्रेनिंग अकादमी विमान अपघाताचे कारण इंधनाची कमतरता असल्याचे नागरी विमान वाहतूक मंत्रालयाने म्हटले आहे. 1975 मध्ये बांधलेले हे सेस्ना172 विमान कलबुर्गीहून बेळगावी जात होते. मंत्रालयाने म्हटले आहे की प्रथमदर्शनी असे दिसते की मुख्य वैमानिक आणि प्रशिक्षणार्थी उड्डाणापूर्वी पुरेसे इंधन भरण्यास विसरले होते.

या घटनेची सविस्तर चौकशी आता नागरी विमान वाहतूक महासंचालनालय (DGCA) आणि AAIB कडून केली जाईल. अकादमीने अद्याप या प्रकरणावर अधिकृत निवेदन जारी केलेले नाही. हे विमान मे 2023 मध्ये रेडबर्डकडे नोंदणीकृत झाले होते.

Edited By - Priya Dixit