भाविकांनी भरलेल्या ट्रॉलीला ट्रकची धडक, सहा जणांचा मृत्यू

कुडलिगीजवळील गावांतील सुमारे १९ जण मुनिराबाद येथील हुलिगेम्मा देवी मंदिराकडे एका ट्रॅक्टरने प्रवास करत होते. होसपेट-मुनिराबाद सीमेजवळ राष्ट्रीय महामार्गावरून जात असताना, एका मोठ्या ट्रकने ट्रॅक्टर ट्रॉलीला मागून धडक दिली, ज्यामुळे चालकाचे नियंत्रण सुटले आणि वाहन पुलावरून खाली कोसळले. ट्रक चालकाला ताब्यात घेण्यात आले आहे. गुन्हा दाखल करण्यात आला असून, आरोपी चालकाची सविस्तर वैद्यकीय तपासणी आणि सर्व कायदेशीर प्रक्रिया पूर्ण झाल्यानंतर न्यायालयात आरोपपत्र दाखल केले जाईल.

अपघातानंतर घटनास्थळी तात्काळ पोहोचलेल्या पोलिसांच्या माहितीनुसार, अंदाजे १५ लोक ट्रॅक्टरमधून हुलिगे मंदिराकडे जात होते. मिळालेल्या माहितीनुसार, पुलाजवळ एका भरधाव लॉरीने ट्रॅक्टरला धडक दिली. ही धडक इतकी जोरदार होती की, ट्रॅक्टरवरील नियंत्रण सुटले आणि तो पुलावरून खाली कोसळला.

प्राथमिक तपासानुसार हा अपघात लॉरीच्या धडकेमुळे झाला आहे. सहा जणांचा जागीच मृत्यू झाला, तर नऊ जण जखमी झाले. जखमींना उपचारासाठी जवळच्या रुग्णालयात दाखल करण्यात आले आहे. पोलिसांनी गुन्हा दाखल करून पुढील तपास सुरू केला आहे.

Edited By - Priya Dixit