श्रीरामकृष्णसुप्रभातम्

श्रीरामकृष्णभगवन् तव सुप्रभातम् ॥७॥

प्रातः प्रणामकरणं तव पादपद्मे

संसारदुःखहरणं सुलभं करोति ।

मत्वेति भक्तिभरिताः प्रतिपालयन्ति

श्रीरामकृष्णभगवन् तव सुप्रभातम् ॥८॥

गातुं स्तुतीस्तव जना अमृतायमानाः

सम्प्राप्य दर्शनमिदं तव पादयोश्च ।

धन्या नरेश भवितुं मिलिताः समीपं

श्रीरामकृष्णभगवन् तव सुप्रभातम् ॥९॥

सन्दाय दर्शनसुखं शरणागतेभ्यो

मोहान्धकारमखिलं त्वमपाकुरुष्व ।

ज्ञानार्क भक्तिजलधे सकलार्तिहन्तः

श्रीरामकृष्णभगवन् तव सुप्रभातम् ॥१०॥

अहैतुकीति करुणा किल ते स्वभावो

दुष्टाः कठोरहृदया अपि ते भजन्ते ।

त्वामेव सर्वजगतां जननि प्रपात्रि

श्रीसारदेश्वरि रमे तव सुप्रभातम् ॥११॥

सुप्तांस्तु भारतजनान् स्ववचः प्रहारै-

रुद्बोधयन् विवशयन् निजधर्ममार्गे ।

प्रोत्साहयन् परमतां प्रकटीकरोषि

वीरेशदत्तमहिमन् तव सुप्रभातम् ॥१२॥

प्रातरुत्थाय यो देवं रामकृष्णं स्मरन् स्मरन् ।

स्तोत्रमेतत्पठेद्भक्त्या सोऽमृतत्वाय कल्पते ॥१३॥