राज्यात फेब्रुवारी महिन्याच्या शेवटच्या आठवड्यात होणाऱ्या निवडणुकांमुळे दहावी, बारावीच्या परीक्षा पुढे ढकलण्यात येणार असल्याची अफवा पसरवण्यात आली आहे. या अफवेच्या पार्श्वभूमीवर दोन्ही परीक्षा नियमित वेळापत्रकानुसार होणार असून, तोंडी, प्रात्यक्षिक परीक्षा ही ठरलेल्या दिवशीच होणार असल्याचे महाराष्ट्र राज्य माध्यमिक व उच्च माध्यमिक शिक्षण मंडळाचे सचिव कृष्णकुमार पाटील यांनी परिपत्रकाद्वारे स्पष्ट केले...
