संबंधित माहिती
- माणसांनी रेल्वेला दिला धक्का, बघा मजेदार व्हिडिओ
- या तारखांना जन्मलेल्या लोकांना 5 सप्टेंबरपर्यंत सावध राहावे लागेल, शहाणपणाने पैसे खर्च करावे लागतील
- कोरोना महामारीच्या युगात दात निरोगी ठेवणे देखील महत्त्वाचे आहे, आहारात काय समाविष्ट करावे हे जाणून घ्या
- तर कोकणवासी रेल्वे रोको आंदोलन करणार...
- 100 टक्के Margin Rule लागू, जग कसे बदलेल ते जाणून घ्या
रत्नागिरीत एका घरात तब्बल 18 जिवंत गावठी बॉम्ब सापडले
रत्नागिरीच्या देवरुख नजीकच्या हरपुडे येथील एका इसमाच्या घरात तब्बल 18 जिवंत गावठी बॉम्ब सापडले आहेत. संबंधित घटना ही बुधवारी (1 सप्टेंबर) रात्री उशिरा उघडकीस आली. पोलिसांनी याप्रकरणी 48 वर्षीय आरोपीला बेड्या ठोकल्या आहेत. आरोपीचं नाव सुरेश आत्माराम किर्वे असं आहे. तो हरपुढे येथील मराठवाडी वस्तीत राहतो. त्याच्या घरात बॉम्ब सापडल्याची माहिती उघड झाल्यानंतर परिसरात एकच खळबळ उडाली आहे.
आरोपी सुरेश किर्वे याच्या घरात जिवंत गावठी बॉम्ब असल्याची खात्रीशीर माहिती पोलिसांना मिळाली होती. याच माहितीच्या आधारावर पोलीस, दहशतवाद विरोधी पथर आणि बॉम्ब शोध व नाशक पथक कामाला लागलं. सुरक्षा यंत्रणांनी आधी सापळा रचला. त्यानंतर सविस्तर माहिती घेत पोलिसांसह इतर पथकांनी संयुक्तपणे कारवाई केली. ते बुधवारी हरपुढे येथे दाखल झाले. त्यानंतर त्यांनी योग्य संधी मिळताच आरोपी सुरेश किर्वे याच्या घरात छापा टाकला. यावेळी घरात सापडलेला शस्त्रसाठा बघून पोलीसही चक्रावले.
