संबंधित माहिती
- भारतात HMPV व्हायरसची पहिली केस, बंगळुरूमध्ये 8 महिन्याच्या चिमुरडीला लागण
- ताज हॉटेलमध्ये बॉम्बस्फोटाची धमकी, ईमेल आल्याची पुष्टी!
- अर्थमंत्री निर्मला सीतारामन यांच्याविरोधात एफआयआरचे आदेश
- मृतदेहाचे 30 तुकडे करून फ्रीजमध्ये ठेवले, ओळखीच्या व्यक्तीवर खुनाचा संशय
- महिलेची हत्या, मृतदेहाचे 30 हून अधिक तुकडे फ्रिज मध्ये आढळले
IIM बंगळुरूमध्ये पीजी विद्यार्थ्याचा मृत्यू
Bengaluru News : इंडियन इन्स्टिट्यूट ऑफ मॅनेजमेंट बेंगळुरू (IIMB) येथील 28 वर्षीय पदव्युत्तर विद्यार्थी रविवारी मृतावस्थेत आढळून आला. निलय कैलाशभाई पटेल असे मृताचे नाव असून तो पीजी डिप्लोमाच्या द्वितीय वर्षाचा विद्यार्थी होता. पण, मृत्यूचे कारण अद्याप समजू शकलेले नाही. वसतिगृहातून पडल्याने त्यांचा मृत्यू झाल्याचे प्राथमिक तपासात समोर आले आहे. IIM बेंगळुरूने PGP विद्यार्थ्याच्या अकाली निधनाबद्दल शोक व्यक्त केला आहे.
मिळालेल्या माहितीनुसार निलय हा गुजरातमधील सुरतचा रहिवासी होता आणि तो व्यवस्थापन विषयातील पोस्ट-ग्रॅज्युएट प्रोग्राम (पीजीपी) च्या दुसऱ्या वर्षाचा विद्यार्थी होता. रिपोर्टनुसार, निलय सकाळी हॉस्टेलच्या लॉनमध्ये सुरक्षा रक्षकांना बेशुद्ध अवस्थेत आढळला. यानंतर त्यांना तातडीने रुग्णालयात नेण्यात आले, तेथे त्यांना मृत घोषित करण्यात आले.
