चंद्रपूर जिल्ह्यात भीषण रस्ता अपघात, 5 जणांचा मृत्यू; एक गंभीर जखमी
महाराष्ट्रातील चंद्रपूर जिल्ह्यात भीषण बस अपघात झाला आहे. या अपघातात 5 जणांचा मृत्यू झाला आहे. बस आणि कारची धडक झाल्याची माहिती पोलिसांनी दिली.
धडक इतकी जोरदार होती की कारच्या पुढील भागाचा चुराडा झाला. या अपघातात कारमध्ये प्रवास करणाऱ्या एकाच कुटुंबातील चार जणांचा जागीच मृत्यू झाला. मिळालेल्या माहितीनुसार, चंद्रपूरच्या नागभीड-नागपूर रस्त्यावरील कानपा गावाजवळ हा अपघात झाला. अपघाताची माहिती मिळताच नागभीड पोलीस घटनास्थळी दाखल झाले.
कारमधील चार जणांचा जागीच मृत्यू झाला
जिल्हा मुख्यालयापासून 115 किलोमीटर अंतरावर असलेल्या नागभीड पोलिस ठाण्याच्या हद्दीतील कानपा गावात दुपारी चारच्या सुमारास हा अपघात झाल्याची माहिती पोलिसांनी दिली.
मृतांमध्ये तीन महिलांचा समावेश आहे
पोलिसांनी अधिक माहिती दिली की, एक मुलगी आणि एक महिला गंभीर जखमी असून त्यांना नागभीड ग्रामीण रुग्णालयात हलवण्यात आले आहे. त्यापैकी महिलेचा उपचारादरम्यान मृत्यू झाला.
