कपडे धुताना ५ जण बुडाले
खालापूर तालुक्यात पेण रोड वरील वावोशी शिरवली येथील नदीवर कपडे धुण्यासाठी गेले असताना ५ जणांचा बुडून मृत्यू झाल्याची घटना घडली आहे. या घटनेने गावावर शोककळा पसरली आहे. कपडे धुण्यासाठी म्हणून बायका नदीवर गेल्या होत्या. त्यांच्यासोबत त्यांची मुलंही होती. त्या कपडे धुत असताना मुलं नदीत उतरली आणि बुडू लागली. मुलांना बुडताना पाहून आई नदीत उतरली आणि मुलांना वाचवण्याचा प्रयत्न केला. पण यात ते पाचही जण बुडाले. गौरी गणेश आरते (३३), तेजस्वीनी गणेश आरते (१०), तुषार गणेश आरते (७), मीनाक्षी वाकनिस (३१), शुभम मिलिंद वाकनिस (८) अशी बुडून मृत पावलेल्यांची नावं आहेत.
सर्वजण शिरवली येथील रहिवासी असून त्यांचे मृतदेह पोस्टमार्टमसाठी खालापूर येथे पाठवण्यात आले
