धुळ्यात रेल्वेच्या ई-तिकिटांचा काळाबाजार करणाऱ्या एका आरोपीला अटक
सध्या रेल्वेचे रिजर्वेशन मिळणे अवघड झाले आहे. लांब पल्ल्यांच्या गाड्यांमध्ये नियमित आणि तात्काळ तिकिटांच्या नावाखाली दलालांकडून फसवणूक सुरूच आहे.
रेल्वेच्या दक्षता विभागाच्या कारवाईनंतरही,तिकीट दलाल इतर राज्यांच्या पीएसआर मधून तात्काळ तिकिटे बुक करतच आहे आणि तिकिटांचे जास्त पैसे घेत आहे.
रेल्वेच्या ई-तिकिटांचा बेकायदेशीरपणे काळाबाजार करणाऱ्या धुळे येथील एका व्यक्तीला आरपीएफच्या पथकाने अटक केली आहे. संशयिताकडून 12 लाख रुपयांहून अधिक किमतीचे एकूण 299 ई-तिकिटे जप्त करण्यात आली असून त्याच्याविरुद्ध रेल्वे कायद्याअंतर्गत गुन्हा दाखल करण्यात आला आहे.
रेल्वे सायबर सेल पुणे कडून मिळालेल्या माहितीच्या आधारे, धुळे शहरातील 'सयाजी_1' हा युजर आयडी रेल्वे आरक्षण तिकिटांच्या अनधिकृत बुकिंग आणि काळाबाजारात सहभागी असल्याचे आढळून आले. यानंतर, वरिष्ठ विभागीय सुरक्षा आयुक्त भुसावळ यांच्या आदेशानुसार, आरपीएफ निरीक्षकांच्या नेतृत्वाखालील पथकाने धुळे पोलिसांसह छापा टाकला.
छाप्यादरम्यान राजेंद्र सयाजी गांगुर्डे (38) याला अटक करण्यात आली. त्याच्या मोबाईलची तपासणी केली असता, येणाऱ्या प्रवासाची 19 तिकिटे आणि मुदत संपलेल्या प्रवासाची 280 तिकिटे आढळली, ज्यांची एकूण किंमत 12 लाख 53 हजार रुपये आहे. ही तिकिटे त्याच्या मोबाईलवरून कोणत्याही आयआरसीटीसी एजंट परवान्याशिवाय बुक करण्यात आली होती.
चौकशीदरम्यान आरोपीने आपला गुन्हा कबूल केला. पोलिसांनी सर्व तिकिटे, एक मोबाईल फोन आणि दोन सिम कार्ड जप्त केले आहेत. संशयितावर आरपीएफ चाळीसगाव पोलिस ठाण्यात रेल्वे कायदा 1989 च्या कलम 143 अंतर्गत गुन्हा दाखल करण्यात आला आहे.
Edited By - Priya Dixit
