आणखी एका सरपंचावर हल्ला, गाडीवर अंडी आणि पेट्रोल भरलेले कंडोम फेकले

आता महाराष्ट्रात आणखी एका सरपंचावर हल्ला झाला आहे.धाराशिव जिल्ह्यात चार जणांनी सरपंचाच्या गाडीची काच फोडली. तसेच पेट्रोलने भरलेले कंडोम कारमध्ये फेकून दिला. या हल्ल्यात सरपंचासह एक जण जखमी झाले आहे. पोलिसांनी या प्रकरणाचा तपास सुरू केला आहे. पोलिसांनी शुक्रवारी सदर माहिती दिली. 

सदर प्रकरण गुरुवार रात्री 10 वाजेच्या सुमारासचे आहे. मेसाई ढवळगा येथील सरपंच नामदेव निकम हे त्यांच्या एसयूव्हीतून बारुळ येथून गावाकडे जात असताना तुळजापुरात हा हल्ला करण्यात आला. 

चार हल्लेखोर दोन मोटारसायकिलवरून त्यांच्या वाहनाच्या जवळ आले आणि त्यांनी निकम यांच्या वाहनावर अंडी फेकायला सुरुवात केली नंतर दगडफेक करत वाहनाचा काचा फोडून पेट्रोल ने भरलेले कंडोम वाहनाच्या आत टाकले नंतर ज्वलनशील इंधन शिंपडले. 

तुळजापूर पोलिसांनी सरपंचाच्या तक्रारीवरून चार अज्ञात हल्लेखोरांविरुद्ध हत्येचा प्रयत्न केल्याचा गुन्हा दाखल केला आहे. सरपंच निकम यांनी सांगितले की, ते पुण्यात राहतात आणि आठवड्यातून दोन ते तीन वेळा गावी येतात. मेसाई जवळगावात त्यांचे कोणाशीही वैर नाही. या प्रकरणाची चौकशी सुरू असल्याचे त्यांनी सांगितले.

Edited By - Priya Dixit