संबंधित माहिती
- नाहीतर स्वतंत्र लढू', बच्चू कडूंची उघड नाराजी
- किराणा वाटणारे महाठग आणि…” बच्चू कडूंची राणा दाम्पत्यावर बोचरी टीका
- बच्चू कडूंनी थेट आपल्याच कार्यकर्त्याच्या कानशिलात लगावली
- आमदार बच्चू कडू यांनी कार्यकर्त्याच्या कानशिलात लगावली
- पण हा दिलासा नाहीये. इथे फक्त युक्तिवादाचं कोर्ट बदललं आहे. : आदित्य ठाकरे
बच्चू कडू आणि रवी राणा यांच्यातील वाद विकोपाला गेला
शिंदेंनी बंड केल्यानंतर त्यांच्यासोबत गेलेले आमदार बच्चू कडू आणि भाजप समर्थक अपक्ष आमदार रवी राणा यांच्यात सध्या आरोप प्रत्यारोप सुरू आहेत. दरम्यान, रवी राणा यांच्या आरोपांमुळे संतप्त झालेल्या बच्चू कडू यांनी सरकारमधून बाहेर पडण्याचा इशारा दिला आहे. आता या वादादरम्यान राज्य सरकारमधील मंत्री आणि शिंदे गटातील ज्येष्ठ नेते दीपक केसरकर यांनी बच्चू कडूंबाबत मोठं विधान केलं आहे. बच्चू कडू हे ज्येष्ठ नेते आहेत, लवकरच ते मंत्रिपदी दिसतील, असा विश्वास दीपक केसरकर यांनी व्यक्त केला आहे.
बच्चू कडू आणि रवी राणा यांच्यातील वाद विकोपाला गेला असताना त्याबाबत दीपक केसरकर म्हणाले की, बच्चू कडू हे ज्येष्ठ नेते आहेत. त्यांच्या पक्षामध्ये दोन आमदार आहेत. त्यामुळे इतर आमदारांच्यावतीने ते बोलत असतील तर त्यामधील वस्तुस्थिती मला माहिती नाही. बच्चू कडू हे लवकरच मंत्रिपदी दिसतील, अशी आमची सगळ्यांची अपेक्षा आहे. मात्र जी व्यक्ती मंत्री बनणार आहे, तिने थोडा संयमही बाळगला पाहिजे, असं मला वाटतं, असा सल्ला दीपक केसरकर यांनी दिला.
Edited by: Ratnadeep Ranshoor
