ज्येष्ठ कीर्तनकार ह. भ. प. बाबा महाराज सातारकर यांचं निधन

बाबा महाराज सातारकर यांच्या निधनामुळे फड परंपरेतील समुदायावर तसेच राज्यातील वारकरी संप्रदाय परंपरेतील लोकांवर दु:खाचा डोंगर कोसळला आहे. महाराजांच्या पश्चात त्यांच्या दोन मुली ह. भ. प. भगवती महाराज व रासेश्वरी सोनकर आणि नातवंडे असं कुटुंब आहे. 

महाराज यांचं पार्थिव आज दुपारी तीन वाजेनंतर अंत्यदर्शनासाठी नेरूळ जिमखाना समोर असलेल्या विठ्ठल रुक्मिणी मंदीरात ठेवण्यात येईल. 

5 फेब्रुवारी 1936 रोजी सातारच्या नामवंत गोरे सातारकर घराण्यात त्यांचा जन्म झाला होता. त्यांचे मूळ नाव निळकंठ ज्ञानेश्वर गोरे असे होते.