नागपुरात मिनी ट्रॅव्हल्सच्या मद्यधुंद चालकाने ३ वाहन उडवले, चालकाला मारहाण
मंगळवारी कामठी रोडवरील डॉ. बाबासाहेब आंबेडकर रुग्णालयाजवळ एक भीषण रस्ता अपघात झाला. मिनी ट्रॅव्हल्स बसच्या मद्यधुंद चालकाने तीन वाहने उडवून दिली आहेत. मुलगी जखमी झाली. सुदैवाने, उर्वरित चालक आणि काही प्रवासी सुखरूप बचावले. गोंधळाचे वातावरण होते. संतप्त जमावाने चालकाला मारहाण केली आणि पोलिसांच्या स्वाधीन केले. जरीपटका पोलिस ठाण्यात गुन्हा दाखल करण्यात आला आहे आणि त्याला अटक करण्यात आली आहे.
फोर्स कंपनीची खासगी मिनी ट्रॅव्हल्स मंगळवारी दुपारी 3 वाजेच्या सुमारास इंदोरा चौकातून काही प्रवाशांना घेऊन कामठी रोड कडे जात असताना बस चालकाने मद्यधुंद अवस्थेत भरधाव वेगाने आणि निष्काळजीपणे गाडी चालवत डॉ. बाबासाहेब आंबेडकर रुग्णालयाजवळील फुटपाथवर उभ्या असलेल्या मिनी मालवाहू वाहनाला धडक दिली. नंतर एका ऑटोला आणि एका दुचाकीला धडक दिली.
या धडकेमुळे दुचाकीस्वार मुलगी गंभीर जखमी झाली असून तिला लोकांनी रुग्णालयात नेले. बसपासून वाचण्यासाठी लोकांचा गोंधळ उडाला. बस थांबल्यावर संतप्त लोकांनी बसचालकाला मारहाण केली.
घटनेची माहिती मिळतातच पोलीस घटनास्थळी पोहोचली आणि बस चालकावर गुन्हा दाखल करून त्याला अटक करण्यात आली आहे.
Edited By - Priya Dixit
