नीट आंदोलकांना दिलासा, मुख्यमंत्री फडणवीस यांच्याकडून एफआयआर मागे घेण्याचे आदेश
नीट पेपरफुटीविरोधातील आंदोलनांशी संबंधित प्रकरणांमध्ये दिलासा देण्यासाठी महाराष्ट्र सरकारने पाऊल उचलले आहे. मुख्यमंत्री देवेंद्र फडणवीस यांनी गृह विभागाला आंदोलकांविरुद्ध दाखल केलेले खटले मागे घेण्याची प्रक्रिया सुरू करण्याचे निर्देश दिले आहे. परीक्षा पद्धतीत सुधारणा आणि उत्तरदायित्वाच्या मागणीसाठी राज्यभरातील अनेक शहरांमध्ये विद्यार्थी आणि सामाजिक संघटनांनी आंदोलने केली होती.
नीट पेपरफुटीविरोधात राज्यभरात विविध ठिकाणी झालेल्या आंदोलनादरम्यान आंदोलकांविरुद्ध पोलिसांनी दाखल केलेले एफआयआर मागे घेण्याचे निर्देश महाराष्ट्राचे मुख्यमंत्री देवेंद्र फडणवीस यांनी गृह विभागाला दिले आहे.
दिल्लीतील जंतर मंतर येथे कॉकरोच जनता पार्टीच्या (सीजेपी) नेतृत्वाखालील नीट वैद्यकीय प्रवेश परीक्षेच्या पेपरफुटीविरोधी आंदोलनाच्या समर्थनार्थ आणि २० जुलै रोजी राष्ट्रीय राजधानीत आंदोलकांवर झालेल्या पोलीस कारवाईच्या विरोधात महाराष्ट्रातही निदर्शने झाली. या आंदोलनादरम्यान दाखल झालेले बहुतेक पोलीस गुन्हे बेकायदेशीर जमाव जमवण्याशी संबंधित होते.
गृह विभागाचे प्रमुख असलेले मुख्यमंत्री देवेंद्र फडणवीस यांनी राज्यातील आंदोलकांविरुद्ध दाखल केलेले एफआयआर मागे घेण्याचे निर्देश विभागाला दिले आहे.
Edited By- Dhanashri Naik
