मोबाईल नव्हे आता तर पॉवर बँकेचा स्फोट, घर जळाले

बीड शहरातील  कोतवाल गल्ली भागात ही  घडली आहे. या प्रकारे  पॉवर बँकेचा स्फोट होण्याची पहिलीच घटना आहे. बाबरस कुटुंबीय यांच्या घरी चार्जिंगला लावलेल्या पॉवर बँकचा स्फोट झाला होता. मात्र ज्यावेळी स्फोट झाला, त्यावेळी बाबरस कुटुंबीय घरी नव्हते, त्यामुळे सुदैवाने जीवितहानी टळली आहे. पॉवर बँक चार्जिंगला लावून ते नातेवाईकांकडे निघून गेले होते. मात्र काही वेळाने अति गरम झाल्याने  पॉवर बँकेचा स्फोट झाला असावा असा अंदाज वर्तवला गेला आहे. स्फोटामुळे बॅटरीमधील सगळे पार्ट्स जळून खाक झाले आहेत. शेजाऱ्यांनी प्रसंगावधान राखत वेळीच आग विझवली त्यामुळे पूर्ण घर जळाले नाही. यापुढे  पॉवर बँक वापरतांना काळजी घेणे गरजेचे आहे.