महाराष्ट्रातील या ठिकाणी कडाक्याची थंडी, दोन दिवस थंडीची लाट राहणार

Publish: Thu, 27 Jan 2022 (11:22 IST) Updated: Thu, 27 Jan 2022 (11:24 IST)

महाराष्ट्रात थंडी वाढत आहे. आता पुढील दोन दिवस राज्यातील अनेक जिल्ह्यांमध्ये थंडीची लाट येण्याची शक्यता हवामान खात्याने व्यक्त केली आहे. हवामान खात्याच्या म्हणण्यानुसार, येत्या काही दिवसांत विदर्भ, उत्तर मध्य महाराष्ट्र, महाराष्ट्रातील मराठवाडा भागात थंडीची लाट कायम राहणार आहे. यादरम्यान धुक्याचा प्रभावही दिसून येईल. त्याच वेळी, 28 जानेवारीनंतर हवामानात बदल होऊ शकतो. दुसरीकडे मुंबईत पुन्हा एकदा तापमानात वाढ होऊ लागली असून, थंडीपासूनही काहीसा दिलासा मिळू लागला आहे. जाणून घेऊया राज्यातील मोठ्या शहरांमध्ये आज हवामान कसे असेल?

मुंबई

आज मुंबईत कमाल तापमान 29 तर किमान तापमान 14 अंश सेल्सिअस राहण्याचा अंदाज आहे. हवामान स्वच्छ राहील. 'खराब' श्रेणीतील हवेचा दर्जा निर्देशांक 281 वर नोंदवला गेला.

पुणे

पुण्यात कमाल तापमान 26 तर किमान तापमान 12 अंश सेल्सिअस राहण्याचा अंदाज आहे. धुक्यासह ढगाळ वातावरण राहील. हवेचा दर्जा निर्देशांक 'मध्यम' श्रेणीत 183 वर नोंदवला गेला.

नागपूर

♦ Cold wave conditions in isolated pockets very likely over Vidarbha, north Madhya Maharashtra, Marathwada and Gujarat state during next 2 days; over Punjab, Haryana-Chandigarh-Delhi, north Rajasthan, Madhya Pradesh, Odisha and Chhattisgarh during next 3-4 days.

— India Meteorological Department (@Indiametdept) January 26, 2022

नागपुरात कमाल तापमान 25 अंश सेल्सिअस तर किमान तापमान 9 अंश सेल्सिअस राहण्याचा अंदाज आहे. हवामान स्वच्छ राहील. त्याच वेळी, वायु गुणवत्ता निर्देशांक 108 आहे, जो मध्यम श्रेणीमध्ये येतो.

नाशिक

नाशिकमध्ये कमाल तापमान 24 अंश सेल्सिअस आणि किमान तापमान 6 अंश सेल्सिअस राहण्याचा अंदाज आहे. आजही थंडीची लाट कायम राहणार आहे. मध्यम श्रेणीतील हवेचा दर्जा निर्देशांक 127 आहे.

औरंगाबाद

आज औरंगाबादमध्ये कमाल तापमान 25 अंश सेल्सिअस तर किमान तापमान 8 अंश सेल्सिअस राहण्याचा अंदाज आहे. येथेही थंडीची लाट येण्याची शक्यता आहे. मध्यम श्रेणीतील हवेचा दर्जा निर्देशांक 112 आहे.