स्वतंत्र प्रवर्ग तयार करुन मराठा आरक्षण देणार, मुख्यमंत्र्यांची घोषणा

यानंतर आता वैधानिक कारवाईसाठी मंत्रिमंडळ उपसमिती स्थापन करण्यात आल्याचेही मुख्यमंत्र्यांनी यावेळी सांगितले. तसेच धनगर आरक्षणासंदर्भातील अहवालही राज्य सरकारला मिळाला आहे. सध्या धनगर समाजाला व्हीजेएनटी या प्रवर्गानुसार आरक्षण आहे. मात्र, त्यांनी एससी या प्रवर्गाचे आरक्षण हवे आहे. या प्रवर्गात आरक्षण देण्याचे अधिकार केंद्र सरकारला आहेत. त्यामुळे राज्य सरकार यासंदर्भात लवकरच केंद्र सरकारकडे प्रस्ताव पाठवेल, असे देवेंद्र फडणवीस यांनी स्पष्ट केले.