पुणे शिवसेना मध्ये लवकरच शहरस्तरीय नेतृत्वात फेरबदल होण्याचे संकेत खासदार संजय राऊत यांनी दिले

Download

BY: वेबदुनिया न्यूज टीम

Publish: Thu, 30 Apr 2026 (08:32 IST) Updated: Thu, 30 Apr 2026 (08:34 IST)

संजय राऊत यांनी पुण्यात झालेल्या बैठकीत आणि पत्रकार परिषदेत सांगितले की, शिवसेना ही केवळ सत्तेवर टिकून राहणारी संघटना नाही. तिची खरी ताकद कार्यकर्त्यांच्या जाळ्यात आणि संघटनशक्तीत आहे. त्यामुळे पक्ष पराभूत होत नाही, तर पुन्हा उभारी घेतो. त्यांनी कार्यकर्त्यांना तळागाळातील काम मजबूत करण्याचे आवाहन केले आणि 'मिसिंग लिंक' जोडण्याची गरज व्यक्त केली. याचबरोबर पुणे शहर नेतृत्वात लवकरच बदल होणार असल्याचे स्पष्ट संकेत दिले.
राऊत पुण्याच्या दौऱ्यावर आहे. त्यांनी पुणे महानगरपालिकेतील शिवसेना गटनेते कार्यालयाचे उद्घाटन केले आणि सारसबागेजवळील बाळासाहेब ठाकरे कलादालनात बैठक घेतली. या दौऱ्यात त्यांनी भाजपचे केंद्रीय राज्यमंत्री मुरलीधर मोहोळ यांचीही भेट घेतली.
पक्षाच्या ज्येष्ठ नेत्यांच्या मते, महापालिका निवडणुकीपूर्वी आणि नंतरच्या संघटनात्मक कमकुवतपणामुळे हे बदल अपरिहार्य आहे. राऊत यांचे फोकस संघटना मजबूत करण्यावर आहे, जेणेकरून भविष्यातील निवडणुकांमध्ये चांगली कामगिरी करता येईल.

दरम्यान, राऊत यांनी पश्चिम बंगालच्या राजकारणावर भाष्य करतांना भाजपवर टीका केली. भाजपला पराभवाचा सामना करावा लागेल, असा दावा देखील त्यांनी केला.
Edited By- Dhanashri Naik