माजी खासदार रूग्णालयात दाखल

भाजप नेत्या आणि अमरावतीच्या माजी खासदार नवनीत राणा यांना पायात गाठ पडल्याने नागपूरच्या नरेंद्रनगर येथील सुयोग रुग्णालयात दाखल करण्यात आले आहे. अशी माहिती समोर आली आहे.

मिळालेल्या माहितीनुसार लोकसभा निवडणुकीदरम्यान झालेली जुनी दुखापत पुन्हा समोर आल्यानंतर  नवनीत राणा यांना उपचारासाठी नेण्यात आले. प्रसिद्ध अस्थिरोगतज्ज्ञ डॉ. गिरीश मोटवानी यांच्या देखरेखीखाली त्यांच्यावर शस्त्रक्रिया करण्यात आली आणि सध्या त्यांच्यावर उपचार सुरू आहे. डॉक्टरांच्या सल्ल्यानुसार, त्यांना पुढील २५ दिवस पूर्ण बेड रेस्ट करण्याचा सल्ला देण्यात आला आहे.
नवनीत राणा यांना ही दुखापत कधी झाली?
वैद्यकीय सूत्रांनी सांगितले आहे की ही पायाची दुखापत लोकसभा निवडणूक प्रचारादरम्यान झालेल्या फ्रॅक्चरशी संबंधित आहे. निवडणुकीदरम्यान सतत प्रवास, बैठका आणि जनसंपर्क प्रचारामुळे ही दुखापत पूर्णपणे बरी झाली नाही, ज्यामुळे परिसरात सूज आली आणि गाठ निर्माण झाली. व रुग्णालयात दाखल करण्यात आले आहे. तसेच सूत्रांनी दिलेल्या माहितीनुसार, सध्या त्यांची प्रकृती स्थिर आहे. 
Edited By- Dhanashri Naik