पहलगाम हल्ल्यानंतर भारतावर १० लाख सायबर हल्ले
Maharashtra News : महाराष्ट्र सायबर विभागाच्या 'शॅडो ऑफ पहलगाम' या ताज्या अहवालात असे दिसून आले आहे की २३ एप्रिलपासून भारतावर सुमारे १० लाख सायबर हल्ले झाले आहे. ही केवळ डिजिटल घुसखोरी नाही तर भारताविरुद्ध एक संघटित आणि सुनियोजित सायबर युद्ध आहे, जे प्रामुख्याने पाकिस्तानमधील गटांद्वारे चालवले जात आहे.
मिळालेल्या माहितीनुसार महाराष्ट्र सायबर पोलिसांचे एडीजी यशस्वी यादव म्हणाले की, पहलगाम हल्ल्यानंतर सायबर हल्ल्यांमध्ये वाढ झाली आहे. ते म्हणाले की, हे केवळ काही हॅकर्सचे कृत्य नाही तर ही एक संघटित मोहीम आहे जी भारतातील महत्त्वाच्या आस्थापनांना लक्ष्य करत आहे. या हल्ल्यांमध्ये भारतीय सैन्य, शाळा-महाविद्यालये, हॉटेल्स, बँकिंग क्षेत्र आणि ई-गव्हर्नन्स पोर्टल यासारख्या संस्थांना प्रामुख्याने लक्ष्य केले जाते. या सायबर युद्धात सहभागी असलेल्या गटांमध्ये सर्वात वरचे नाव टीम इन्सेन पीके आहे, जे एक पाकिस्तानी सायबर गट आहे. या गटाने लष्कर, हॉटेल्स आणि शैक्षणिक संस्थांच्या वेबसाइट्सवर हल्ला केला आहे. याशिवाय, मिस्ट्रियस टीम बांगलादेश (MTBD) नावाचा एक बांगलादेशी गट देखील यामध्ये सक्रियपणे सहभागी आहे, ज्याने ई-गव्हर्नन्स पोर्टल आणि बँकांना लक्ष्य केले आहे. तसेच या सर्व गटांमध्ये समन्वय आहे आणि ते एकत्रितपणे भारताची सायबर सुरक्षा कमकुवत करण्याचा प्रयत्न करत आहे. यशस्वी यादव म्हणाले की, सायबर हल्ले प्रामुख्याने अशा वेबसाइटवर झाले आहेत ज्या भारताच्या महत्त्वाच्या पायाभूत सुविधांशी जोडल्या गेल्या आहे, जसे की रेल्वे, बँकिंग प्रणाली आणि सरकारी पोर्टल. गेल्या आठ दिवसांत दहा लाख सायबर हल्ले आढळून आले आहे. असे देखील ते म्हणाले.
Edited By- Dhanashri Naik
