‘महाराष्ट्राची सूत्र माझ्या हातात द्या, शिस्त आणण्यासाठी रॉकेट सायन्सची गरज नाही’; राज ठाकरेंची राज्यासाठी काय योजना?
मनसे प्रमुख राज ठाकरे म्हणाले, "ज्या दिवशी महाराष्ट्राची जनता माझ्यावर सत्तेचा विश्वास ठेवेल, त्या दिवसाची मी आतुरतेने वाट पाहत आहे. या सर्व बाबींमध्ये शिस्त आणण्यासाठी रॉकेट सायन्सची गरज नाही; त्यासाठी फक्त काम करण्याची इच्छाशक्ती लागते."
मिळालेल्या माहितीनुसार महाराष्ट्र नवनिर्माण सेनेचे अध्यक्ष राज ठाकरे यांनी 26 ऑक्टोबर रोजी नवी मुंबईतील वाहतूकदार मेळाव्यात राज्यातील वाहतूक व्यवस्था, शहरांचे नियोजन आणि प्रशासनातील शिस्त यांवरून सरकारवर टीका केली. महाराष्ट्राची सत्ता आपल्या हातात कधी येते, याची वाट पाहत असल्याचे सांगत त्यांनी शिस्त आणण्यासाठी राजकीय इच्छाशक्ती आवश्यक असल्याचे म्हटले.
राज ठाकरे यांनी सभेमध्ये प्रमुख मुद्दे मांडले. यामध्ये वाहतूक शिस्त ज्यामध्ये सिग्नलचे पालन, चुकीच्या पार्किंगवर नियंत्रण आणि वाहतूक नियमांची प्रभावी अंमलबजावणी. तसेच पारदर्शक ई-चलान यामध्ये कॅमेऱ्यांच्या माध्यमातून दंड आकारण्याची व्यवस्था अधिक पारदर्शक करण्याची मागणी. योग्य शहर नियोजन यामध्ये फुटपाथ, उद्याने, मैदाने आणि पार्किंगसाठी पुरेशी जागा उपलब्ध करून देणे. तसेच दर्जेदार रस्ते यामध्ये वारंवार खोदकाम करावे लागू नये यासाठी दीर्घकालीन नियोजन आणि विविध यंत्रणांमध्ये समन्वय. नियंत्रित बांधकाम विकास यामध्ये केवळ इमारती आणि पूल उभारण्याऐवजी शहरांच्या भविष्यातील गरजांचा विचार करणे हे होय.
माहितीनुसार मार्च 2026 मध्ये राज ठाकरे यांनी ‘महाराष्ट्र नेक्स्ट’ हा नागरिकांच्या सहभागातून राज्याच्या विकासाचा आराखडा तयार करण्याचा उपक्रम सुरू केला होता. यात शेती, रस्ते व पायाभूत सुविधा, आरोग्य, शिक्षण, औद्योगिक विकास, रोजगार आणि महिला-बालकल्याण अशा 27 विषयांवर नागरिकांना सूचना मांडण्याची संधी देण्याची संकल्पना आहे. तसेच 26 ऑक्टोबरच्या भाषणात त्यांनी वाहतूक आणि शहरी नियोजनावर भर दिला. मात्र, या भाषणातील सूचना म्हणजे संपूर्ण राज्यासाठी जाहीर केलेले नवीन, तपशीलवार सरकारी धोरण नव्हे. ‘महाराष्ट्र नेक्स्ट’ हा व्यापक विकास आराखडा तयार करण्याचा स्वतंत्र उपक्रम आहे. राज ठाकरेंच्या मते महाराष्ट्रात शिस्तबद्ध वाहतूक, नियोजनबद्ध शहरे आणि जबाबदार प्रशासन उभारण्यासाठी इच्छाशक्ती, स्पष्ट नियम आणि त्यांची कठोर अंमलबजावणी आवश्यक आहे.
