रखूमाईंच्या जयंतीनिमित्त खास गूगलचे डूडल

११ व्या वर्षी रखूमाईंचे लग्न १९ वर्षीय दादाजी राऊत यांच्यासोबत झाले होते. मात्र लग्नानंतर त्यांनी नवर्‍याच्या घरी जाऊन राहण्यास नकार दिला. भारतात ब्रिटीशांचं साम्राज्य असताना त्यांनी बालविवाह आणि स्त्री वरील अन्यायाकारक प्रथांना वाचा फोडण्यासाठी लढा दिला. जबरदस्ती लावून दिलेल्या लग्नापेक्षा त्यांनी सहा महिने जेलमध्ये राहणं पसंत केले. त्यानंतर रखुमाईंनी घटस्फोट घेऊन शिक्षणाची कास घेतली.  'हिंदू लेडी' या टोपणनावाने डॉ. रखुमाईंनी 'टाईम्स ऑफ इंडिया' मध्ये लिहलेला लेख फारच गाजला होता. हिंदू प्रथा, परंपरा याच्यावर त्यांनी टीका केली होती. तसेच 'बालविवाह आणि कालांतराने त्यातून येणारं वैधव्य' हे स्त्रीयांसाठी कसं अन्यायकारक आहे. याबद्दल त्यांनी भूमिका मांडली होती.