संबंधित माहिती
- भाजपा राज्यसभेची तिसरी जागा लढवून जिंकू शकते प्रदेशाध्यक्ष चंद्रकांतदादा पाटील
- पीसीपीएनडीटी ऑनलाईन वेबपोर्टलमुळे गतिमानता आणि पारदर्शकता येणार-आरोग्यमंत्री राजेश टोपे
- अंत्यसंस्कारानंतर रक्षा व अस्थी विसर्जित न करता अहिरे परिवार फुलविणार आठवणीचा वृक्ष…
- तरुणाला धरणात फेकून दिल्याच्या घटनेचा झाला उलगडा; अनैतिक संबधातून खून, दोन जणांना अटक
- शेतकऱ्यांनी एकत्र येत हा कांदा निर्यात व्हिएतनामला पाठवला
सांगली जिल्हा महापूराचा सामना करण्यासाठी प्रशासन सज्ज
सांगली जिल्हा प्रशासनाच्या आदेशानुसार महापूरासारख्या मोठ्या नैसर्गिक आपत्तींचा सामना करण्यासाठी प्रशासनाच्या तयारीची रंगीत तालीम औदुंबर येथे घेण्यात येत आहे. यानिमित्ताने प्रशासनाकडे उपलब्ध असलेली आपत्कालीन साधनसामग्रीच्या उपयुक्ततेची चाचणी घेण्यात येत आहे. तसेच आपत्तीला तोंड देण्यासाठी प्रशासकीय कर्मचाऱ्यांचे मनोबल वाढविण्याचा प्रयत्न आहे. महापूराचा सामना करण्यासाठी प्रशासन सज्ज आहे. असे मत प्रांताधिकारी गणेश मरकड यांनी औदुंबर येथे बोटींग प्रशिक्षण कार्यक्रमात बोलत होते.
नेहमीच येतो पावसाळा तसेच नेहमीच येतो महापूर अशीच काहीशी स्थिती गेल्या काही वर्षांत झालेली दिसते. या आपत्तीचा सामना करण्यासाठी प्रशासनाकडून जोरदार तयारी सुरू आहे. पलूस तालुक्यातील कृष्णाकाठ औदुंबर अंकलखोप येथे महापूर पुर्व आपत्ती व्यवस्थापन प्रशिक्षण कार्यक्रम आयोजित करण्यात आला आहे. यामध्ये आपत्ती व्यवस्थापन अंतर्गत बोट प्रशिक्षण शिबिराचे आयोजन करण्यात आले.
यावेळी बोट चालक नितीन गुरव, महेश कदम, रॉयल कृष्णा बोट क्लबच्या सदस्यांनी सर्वांना प्रशिक्षण दिले.
यावेळी प्रांताधिकारी गणेश मरकड, तहसीलदार निवास ढाणे, सहाय्यक पोलीस निरीक्षक संगिता माने, मंडल टि एस अधिकारी पवार, तलाठी बाबुराव जाधव, गौसमोहंमद लांडगे यांच्या सह सर्व प्रशासकीय अधिकारी कर्मचारी मोठ्या संख्येने उपस्थित होते.
