बारामतीमध्ये कडक लॉकडाऊनमधून काहीशी सूट

बारामतीत बुधवारपासून फळे व भाजीपाला, किराणा, गॅस वितरण, दूध वितरण, मान्सून पूर्व कामे, पाणी पुरवठ्याची कामे, कृषी व कृषी संलग्न व्यवसाय, पशुखाद्य दुकाने सकाळी 7 ते 11 या वेळेत सुरु राहतील. या अत्यावश्यक सेवा वगळता इतर सर्व आस्थापना व दुकाने पूर्णत बंद राहणार आहेत. राज्य शासनाच्या १२ मे रोजीच्या आदेशानुसार अत्यावश्यक सेवांमध्ये सकाळी ७ ते सायंकाळी ६ या वेळेत घरपोच सेवा सुरु राहील. बारामतीत बँकांचे अंतर्गत कामकाज सुरुच राहणार असून ग्राहकांसाठी त्या १२ मे रोजीच्या आदेशानुसार बंदच राहतील.