आईनं 2 चिमुकल्यानं संपवले
धुरपताबाई गणपत निमलवाड (वय 30 रा. पांडुरणा) असे प्रमुख आरोपीचे नाव आहे. आरोपी महिला पांडुरणा येथे शेत शिवारात आखाड्यावर पती आणि दोन वर्षीय मुलगा आणि ४ महिन्याच्या मुलीसह राहात होती. तर सासु- सासरे दोघे अन्य दुसऱ्या शेतात वास्तव्यास होते. दरम्यान आरोपी धुरपताबाई निमलवाडने 1 जूनला सायंकाळी 6 च्या सुमारास मुलगा दत्ता गणपत निमलवाड (वय 2 वर्षे) व मुलगी अनुसया गणपत निमलवाड (वय4 महिने) या दोघांची पांडुरणा शिवारात हत्या केली.
यानंतर आरोपीने आपली आई कोंडाबाई पांडुरंग राजेमोड व भाऊ माधव पांडुरंग राजेमोड (दोघे रा. ब्राम्हणवाडा ता.मुदखेड) यांच्या मदतीने दोन्ही मयत लेकरांचे प्रेत जाळून पुरावा नष्ट केला. आरोपी आईने असे कृत्य का केले हे समजू शकले नाही.
