Russia Ukraine Crisis: युक्रेनमध्ये रशियाच्या क्षेपणास्त्र हल्ल्यात सात ठार
Russia Ukraine Crisis:रशियन सैन्याने शनिवारी युक्रेनमधील चेर्निहाइव्ह या ऐतिहासिक शहरावर क्षेपणास्त्र हल्ला केला. युक्रेनच्या गृह मंत्रालयाने सांगितले की, गर्दीच्या चौकात रशियन क्षेपणास्त्र आदळल्याने सहा वर्षांच्या मुलासह सात जण ठार झाले आणि 129 जण जखमी झाले. मंत्रालयाने सांगितले की जेव्हा हवाई हल्ला झाला तेव्हा लोक धार्मिक सुट्टी साजरी करण्यासाठी चर्चमध्ये जात होते. गृहमंत्री इहोर क्लिमेंको यांनी सोशल मीडिया पोस्टमध्ये सांगितले की, रशियन हल्ल्यात जखमी झालेल्यांमध्ये 15 मुले आणि 15 पोलिस अधिकारी आहेत.
वोलोडिमिर झेलेन्स्की यांनी टेलिग्रामवरील पोस्टमध्ये म्हटले आहे की रशियाने चर्चमध्ये जाणाऱ्या लोकांवर क्षेपणास्त्र हल्ला केला, जो चेर्निहाइव्हमधील शहराच्या मध्यभागी आदळला. मृतांमध्ये महिला आणि लहान मुलांचा समावेश आहे.
झेलेन्स्कीने पोस्ट नंतर एक व्हिडीओ शेअर केले आहे. ज्यामध्ये नाट्यगृहासमोरील चौकात ढिगारा विखुरलेला दाखवला आहे. या हल्ल्यात तेथे उभ्या असलेल्या गाड्यांचे मोठ्या प्रमाणात नुकसान झाले.
Edited by - Priya Dixit
