आशियाई टेबल टेनिस अजिंक्यपद स्पर्धेत चीनचे वर्चस्व
चीनने आशियाई टेबल टेनिसमध्ये आपले वर्चस्व पुन्हा एकदा प्रस्थापित करत पुरुष आणि महिला गटात विजेतेपद पटकावले. पुरुष संघाने हाँगकाँगचा 3-0 असा पराभव केला, तर महिला संघाने जपानचा 3-0 असा पराभव केला. महिलांच्या सलामीच्या सामन्यात जागतिक क्रमवारीत दुसऱ्या क्रमांकावर असलेल्या वांग मन्युने 11 व्या क्रमांकावर असलेल्या होनोका हाशिमोटोचा 12-10, 11-3, 11-6, 11-3असा पराभव केला.
पुढच्या सामन्यात सन यिंगशाने मिवा हरिमोटोचा 11-9, 11-5, 11-7असा पराभव केला. अंतिम सामन्यात कुई मानने जपानच्या हिना हयाताला 8-11, 12-10, 11-6, 11-9 असा पराभव केला.
पुरुषांच्या अंतिम सामन्यात जागतिक क्रमवारीत अव्वल क्रमांकावर असलेल्या लिन शिडोंगने वोंग चुन टिंगचा 1-8, 11-4, 11-4 असा पराभव करून चीनला दमदार सुरुवात करून दिली. दुसऱ्या मानांकित वांग चुकिनने चान बाल्डविनचा 12-10, 11-9, 5-11, 14-12 असा पराभव केला. अंतिम सामन्यात लियांग जिंगकुनने यिउ क्वान गोहचा 13-11, 11-6, 12-10 असा पराभव केला.
