भारतीय हॉकीला १०० वर्षे पूर्ण, दिग्गजांनी राष्ट्रीय स्टेडियममध्ये साजरा केला उत्सव

दिल्लीतील मेजर ध्यानचंद सिंग स्टेडियममध्ये भारतीय हॉकीचा १०० वा वर्धापन दिन साजरा करण्यात आला. या खास प्रसंगी हॉकीचे दिग्गज उपस्थित होते. ९० वर्षीय दोन वेळा ऑलिंपिक सुवर्णपदक विजेता गुरबक्ष सिंग ते २०२४ पॅरिस ऑलिंपिक कांस्यपदक विजेता कर्णधार हरमनप्रीत सिंग पर्यंत, अनेक दिग्गजांनी भारतीय हॉकीच्या शताब्दीनिमित्त आपले अनुभव शेअर केले.

तसेच भारतीय हॉकी फेडरेशनची स्थापना १०० वर्षांपूर्वी १९२५ मध्ये ग्वाल्हेरमध्ये झाली. आठ वेळा ऑलिंपिक विजेत्या भारतीय हॉकी संघाच्या नायकांना यावेळी मेजर ध्यानचंद राष्ट्रीय स्टेडियममध्ये सन्मानित करण्यात आले.तसेच याप्रसंगी बोलताना क्रीडा मंत्री मनसुख मांडविया म्हणाले की, भारताच्या ऑलिंपिक ओळखीत हॉकी हा महत्त्वाचा घटक होता आणि आपला देश काय साध्य करू शकतो हे जगाला दाखवून दिले. तेव्हापासून, मागे वळून पाहिले गेले नाही. मांडविया म्हणाले की, खेळांमध्ये अनेक चढ-उतार आले आहे आणि ऑलिंपिकमध्ये हॉकीच्या माध्यमातूनच आपण जगाला भारत काय साध्य करू शकतो हे दाखवून दिले. राष्ट्रीय स्टेडियममध्ये दुर्मिळ छायाचित्रांचे प्रदर्शन आयोजित करण्यात आले होते.

या निमित्ताने देशभरात १,००० हून अधिक हॉकी सामने आयोजित करण्यात आले होते. भारतीय हॉकीच्या गौरवशाली भूतकाळाचे प्रदर्शन राष्ट्रीय स्टेडियममध्येही करण्यात आले होते, ज्यामध्ये १९२५ च्या अ‍ॅमस्टरडॅम ऑलिंपिकपासून २०२४ च्या पॅरिस ऑलिंपिकपर्यंतचे महत्त्वाचे क्षण दाखवण्यात आले होते.  

Edited By- Dhanashri Naik