1. मराठी बातम्या
  2. खेळ मराठी
  3. क्रीडा वृत्त
  4. Indian women's chess team's winning hat trick

भारताच्या महिला बुद्धिबळ संघाची विजयाची हॅट्‌ट्रिक

भारताच्या पुरुष संघाप्रमाणेच महिला संघानेही आशियाई नेशन्स ऑनलाइन बुद्दिबळ स्पर्धेत सलग तीन विजय प्राप्त करत हॅट्‌ट्रिक साधली.
 
या स्पर्धेत आता भारताच्या महिला संघाचा सामना कझाकिस्तानशी होणार आहे. महिला संघाने या सलग तीन विजयांसह स्पर्धेच्या उपान्त्पूर्व फेरीत प्रवेश केला.
 
भारतीय महिला संघाने पहिल्या सामन्यात फिलिपिन्सचा 3-1 असा पराभव केला. त्यानंतरच्या फेरीत कझाकिस्तानवर 2.5-1.5 अशी मात केली. तर नंतर व्हिएतनामचा 2.5-1.5 असा पराभव केला. या तीनही विजयांत महत्त्वाचा वाटा आर. वैशाली व पी. वी. नंदिथाचा होता. तिने फिलिपिन्स व कझाकिस्तानविरुद्धच्या सामन्यात वर्चस्व राखल्यामुळेच भारताची सरशी झाली.
 
मत्र, कझाकिस्तानविरुद्ध भक्ती कुलकर्णीचा डाव बरोबरीत संपला. व्हिएतनामविरुद्धच्या लढतीत वैशाली व गोम्स यांना विजय मिळवता आले. भारताकडून नवव्या फेरीअखेर वैशालीनेच आपली गुणवत्ता सिद्ध करताना सर्वाधिक 6.5 गुण प्राप्त केले.
पुढील लेख
एकनाथ खडसे सोशल मीडियात ट्रोल, वाचा, असे आहे कारण