वेळ वाया न घालवता तत्काळ तिकीट कसे बुक करावे, येथे संपूर्ण पद्धत जाणून घ्या

AC तात्काळ तिकिट बुकिंगची सेवा सकाळी 10 वाजेपासून सुरू होते. तर स्लिपर क्लाससाठी ही सेवा सकाळी 11 वाजेपासून सुरू होते. 

त्यामुळे AC Tatkal Ticket Booking साठी तुम्हाला 9.58 वाजेपासून लॉग इन करावे लागेल. तर स्लिपर क्लाससाठी तुम्हाला 10.58 ला लॉग इन करावे लागेल. या ठिकाणी गेल्यानंतर माय प्रोफाइल MyProfile मध्ये जावून आधीच मास्टर लिस्ट तयार करावी लागणार आहे.

ऑनलाइन तत्काळ तिकीट कसे बुक करावे ?

IRCTC च्या अधिकृत वेबसाइट https://www.irctc.co.in वर जाऊन लॉग इन करावे (यासाठी आयडी असणे आवश्यक आहे) किंवा IRCTC अॅपला भेट देऊ शकता.

MyProfile मध्ये जावून आधीच मास्टर लिस्ट तयार करावी.

येथे तुम्हाला Add किंवा Modify Master List वर क्लिक करावे लागेल. 

नंतर तुम्हाला नॉर्मल, दिव्यांग, पत्रकार यापैकी कोणताही एक पर्याय निवडावा लागेल. 

यामध्ये पॅसेंजरचे नाव, वय, लिंग, सीट प्रिफरेंस, ओळखपत्राचा प्रकार टाकावे लागेल.

ओळखपत्र क्रमांक टाकावा लागेल. 

नंतर तुम्ही मास्टर लिस्टमध्ये 20 पर्यंत प्रवासी जोडू शकता.

बुकिंग करण्याआधी लॉगिन केल्यास फायदा होईल.

तिकीट बुक करताना तपशील पृष्ठावर My Saved Passenger(s) List पर्यायावर क्लिक करा.

या लिस्टतून ज्यांचे तिकिट करायचे आहे त्यांचे नाव निवडा. असे केल्याने प्रवाशांचे तपशील टाकण्याचा वेळ वाचेल आणि तत्काळ तिकीट लवकर बुक करता येईल.

तुमचे गंतव्यस्थान निवडा आणि तुमची प्रवासाची तारीख भरा. 

'सबमिट' वर क्लिक करा. 

त्यानंतर कोटा पर्यायामध्ये 'तत्काळ' निवडा.

तुमच्या ट्रेनसाठी 'Book Now' वर क्लिक करा.

कॅप्चा कोड एंटर करा आणि तिकिटासाठी ऑनलाइन पैसे भरा.

आता तुमचे तिकीट बुक केले जाईल.