Yoga Tips: नितंबांना चांगला आकार देण्यासाठी या योगासनांचा नियमित सराव करा

मार्जरी आसन-

या आसनाच्या नियमित सरावाने सपाट नितंबांना गोलाकार आकार मिळू शकतो. हे आसन करण्यासाठी गुडघ्यांवर उभे राहून पुढे वाकून हात खांद्याच्या खाली जमिनीवर टेकवताना बोटे पुढच्या बाजूला ठेवा.

आता श्वास घेताना डोके वर उचला आणि पाठीचा कणा खाली वाकवताना पाठ धनुष्याच्या आकारात करा. काही वेळ या स्थितीत राहिल्यानंतर हळूहळू श्वास सोडताना पोट आतून आकुंचन पावून नितंब वरच्या बाजूला करा.

या दरम्यान, दोन्ही हातांमध्ये डोके ठेवून आपल्या नाभीकडे पाहण्याचा प्रयत्न करा आणि कमीतकमी तीन सेकंद थांबा. अशा प्रकारे किमान 3 ते 5 वेळा करून बघा 

सेतू बंधनासन-

हे आसन करण्यासाठी पाठीवर झोपून पाय वाकवा आणि पायाची बोटे नितंबांच्या जवळ आणण्याचा प्रयत्न करा. दोन्ही हातांनी पायाची दोन्ही बोटे धरा.

आता श्वास घेताना, खांद्यांना आधार देऊन पोट आणि नितंब वर करा. या स्थितीत थोडा वेळ श्वास रोखून धरा. त्यानंतर श्वास सोडताना नितंब आणि कंबर जमिनीवर ठेवा. किमान 5 वेळा करा.

उत्कटासन-

या आसनाला चेयर पोज म्हणतात. नितंबच्या आरोग्यासाठी तुम्ही उत्कटनाचा सराव करू शकता. हे आसन करण्यासाठी पायांमध्ये थोडे अंतर ठेवून सरळ उभे राहून हात समोरच्या दिशेने पसरवा. श्रोणि खाली आणा, गुडघे वाकवून, जसे की तुम्ही काल्पनिक खुर्चीवर बसला आहात. काही वेळ या स्थितीत राहा आणि हात जमिनीला समांतर ठेवा. आता हळू हळू खाली जा आणि सुखासनात बसा आणि आराम करा

Edited by - Priya Dixit