गोलकोंडा किल्ला हैद्राबाद

संयुक्त राज्य अमेरिका मध्ये गोलकोंडा नावाने तीन जागांना नाव देण्यात आली आहे. एरिजोना, इलिनोइस आणि नेवादा मध्ये, एरिजोना आणि नेवादाच्या माइनिंग टाउनला गोलकोंडा टाउन नावाने ओळखले जाते. तसेच आता एरिजोना आणि नेवादाच्या टाउनला घोस्ट टाउन नावाने ओळखले जाते. तर हैद्राबादसारख्या दिसणाऱ्या इलिनोइसमध्ये सराहविले टाउनला 1817 मध्ये गोलकोंडा नाव देण्यात आले होते. 

आपला कोहिनूर जो आज ब्रिटिशर्स जवळ आहे. तो हैद्राबादच्या गोलकोंडा मधून मिळाला होता. असे देखील सांगण्यात येते की, जगभरात प्रसिद्ध असलेले हीरे सारखे दर्या-ए-नूर, नूर-उल-ऐन डायमंड, होप डायमंड आणि रीजेंट डायमंड गोलकोंडाच्या खाणींमध्ये उत्खनन करण्यात आले होते.

तसेच गोलकोंडाच्या शिखरावर श्री जगदंबा महामंदिर आहे. राजा इब्राहिम कुली कुतुबशहा त्याच्या प्रजेमध्ये इतका लोकप्रिय होता की त्याला हिंदूंनी मलकाभिराम संबोधले. येथे बोनालू उत्सव साजरा केल्यानंतर, हा उत्सव संपूर्ण शहरात साजरा केला जातो.

या किल्ल्यात एक अतिशय जुने आफ्रिकन बाओबाबचे झाड आहे, जे 400 वर्षे जुने आहे. तसेच हे झाड काही अरबी व्यापाऱ्यांनी सुलतान मोहम्मद कुली कुतुबशहाला भेट म्हणून दिले होते असे म्हणतात. येथील स्थानिक नागरिक त्याला हत्ती वृक्ष म्हणतात.

गोलकोंडा किल्ल्याला आठ महत्त्वाचे दरवाजे आहेत. त्यातील एक फतोह दरवाजा आहे, जिथूनऔरंगजेबाचे सैन्य आत शिरले. असे म्हणतात की, कुतुबशाहीचा अधिकारी अब्दुल्ला खान पन्नी याला लाच देऊन औरंगजेबाने हे गेट उघडले होते. हा फतेह दरवाजा 13 फूट रुंद आणि 25फूट लांब आहे.

बाला हिसार पॅव्हेलियन हे किल्लयामधील ही एक महत्त्वाची खूण आहे, जो किल्लयाचा सर्वोच्च बिंदू आहे आणि प्रवेशद्वारापासून फक्त एक किमी अंतरावर आहे.  

रहस्यांनी भरलेल्या हैदराबादच्या या 400 वर्ष जुन्या गोलकोंडा किल्ल्याबद्दलच्या या गोष्टी जाणून तुम्हालाही आश्चर्य वाटेल. तसेच स्थापत्य, पौराणिक कथा आणि इतिहासासाठी ओळखल्या जाणाऱ्या या किल्ल्यालाही  अवश्य भेट द्या. 

गोलकोंडा किल्ला हैद्राबाद जावे कसे? 

रेल्वे मार्ग- 

जर तुम्ही रेल्वेने जाण्याचा विचार करत असाल तर शहरात तीन प्रमुख रेल्वे स्टेशन आहे. सिकंदराबाद, हैदराबाद आणि काचीगुडा रेल्वे स्टेशन. रेल्वे स्टेशनवरून तुम्ही बस किंवा टॅक्सीने गडावर जाऊ शकता.

विमान मार्ग-

जर तुम्हाला विमानाने जायचे असेल, तर किल्ल्यापासून फक्त 22 किमी अंतरावर राजीव गांधी आंतरराष्ट्रीय विमानतळ आहे, तुम्ही बस किंवा टॅक्सीच्या मदतीने किल्ल्यापर्यंत पोहोचू शकता.

रस्ता मार्ग-

गोलकोंडा किल्ला जवळ असलेला रस्ता सर्व प्रमुख शहरांना जोडलेला आहे. शहरात चालणारी बस तुम्हाला किल्ल्यापर्यंत पोहचवू शकते.