माउंट अबू पासून उदयपूर पर्यंत अरवली पर्वतरांगांमध्ये वसलेली ही ठिकाणे भेट देण्यासाठी सर्वोत्तम

जर तुम्ही मित्र किंवा कुटुंबासोबत सुट्टीची योजना आखत असाल, तर अरवली पर्वतरांगांमधील ही निवडक ठिकाणे उत्तम पर्याय ठरू शकतात. ही अरवलीमधील ठिकाणे तुमची सुट्टी अविस्मरणीय बनवू शकतात.

माउंट अबू

अरवली पर्वतरांगेच्या दक्षिण भागात वसलेले माउंट अबू हे राजस्थानचे एकमेव थंड हवेचे ठिकाण आहे. येथील शांत वातावरण, थंडगार वारा आणि हिरवळ हे पर्यटकांचे लोकप्रिय आकर्षण आहे. दिलवारा मंदिर, नक्की तलाव आणि सनसेट पॉइंट ही येथील प्रमुख पर्यटन स्थळे आहे.

कुंभलगड किल्ला

हा किल्ला युनेस्कोचे जागतिक वारसा स्थळ असून तो त्याच्या लांब भिंतींसाठी प्रसिद्ध आहे. ऐतिहासिकदृष्ट्या या किल्ल्याला मोठे महत्त्व आहे. जवळचे कुंभलगड वन्यजीव अभयारण्य आणि माधवेंद्र पॅलेस हे देखील भेट देण्यासारखे आहेत.

अजमेर

अरवली पर्वतरांगेच्या पायथ्याशी वसलेले अजमेर हे धार्मिक आणि सांस्कृतिक दृष्ट्या महत्त्वाचे शहर आहे. येथे अजमेर शरीफ दर्गा असून तो मोठ्या संख्येने भाविकांना आकर्षित करतो. आना सागर तलाव आणि तारागड किल्ला ही देखील भेट देण्यासारखी ठिकाणे आहेत.

जयपूर

गुलाबी शहर जयपूर, अरवली पर्वतरांगेच्या काठावर वसलेले असून ते येथील किल्ले, राजवाडे आणि पारंपरिक बाजारपेठांसाठी प्रसिद्ध आहे. आमेर किल्ला, हवा महल आणि सिटी पॅलेस ही येथील प्रमुख आकर्षणे आहे.

रणथंबोर राष्ट्रीय उद्यान

रणथंबोर राष्ट्रीय उद्यान जंगले, तलाव आणि गवताळ प्रदेशाने वेढलेले आहे. येथे वाघ, बिबटे आणि इतर अनेक प्राणी आढळतात. टायगर सफारी हे येथील प्रमुख आकर्षण आहे.

उदयपूर

आपल्या तलावांसाठी आणि राजवाड्यांसाठी ओळखले जाणारे उदयपूर हे एक सुंदर शहर आहे. पिछोला तलाव, सिटी पॅलेस आणि सज्जनगड मान्सून पॅलेस ही आवर्जून पाहण्यासारखी ठिकाणे आहे.

अलवर

अलवर हे बाला किल्ला, सरिस्का व्याघ्र अभयारण्य आणि जवळच्या भांगढ किल्ल्यासाठी प्रसिद्ध आहे. इतिहास आणि साहसी उपक्रमांच्या शौकिनांसाठी हे ठिकाण आदर्श मानले जाते.