मनपा निवडणुकीच्या युतीची चर्चा होणार असेल तर खुलेआम होईल-राज ठाकरे एकनाथ शिंदे यांची भेट

एकनाथ शिंदे आणि राज ठाकरेंच्या या अचानक झालेल्या भेटीवर शिंदे गटातील आमदार प्रताप सरनाईक यांनी प्रतिक्रिया दिली आहे. एकनाथ शिंदे आणि राज ठाकरे काही पहिल्यांदा भेटलेले नाहीत. राज्याचे मुख्यमंत्री म्हणून शिंदे यांना राज ठाकरे हे भेटले असतील तर त्यात काहीही वावगं नाही, असं प्रताप सरनाईक यांनी सांगितलं. तसेच राज ठाकरे हे मोठे नेते आहेत. त्यांचा मोठा पक्ष आहे. किमयागार नेता म्हणून त्यांची देशात असल्याचं कौतुकही प्रताप सरनाईकांनी राज ठाकरेंचं केलं आहे. 

दोन मोठे नेते भेटतात, तेव्हा चहापानाचा कार्यक्रम होतो. राजकीय हेवेदावे बाजूला ठेवून राज्याचे दोन नेते एकत्र आले. मनपा निवडणुकीच्या युतीची चर्चा नागपूरच्या हिवाळी अधिवेशनात होईल, असं मला वाटतं नाही. तशी चर्चा होणार असेल तर खुलेआम होईल. हजारो लोकं अधिवेशनात येतात. कॅमेरे लागलेले आहेत. त्यामुळं ते खुलेआम भेटल्याचं प्रताप सरनाईकांनी सांगितलं.

Edited by: Ratnadeep Ranshoor