अमृता फडणवीस यांची नव्या गाण्याची घोषणा, शानसोबत आहेत गाणार

अमृता फडणवीसांनी केलेल्या ट्वीटमध्ये हे गाणं ज्या चित्रपटासाठी गायलं जाणार आहे, त्या चित्रपटाचं नाव देखील जाहीर केलं आहे. पंडित ललित यांचं संगीत, संजय चेल यांचे गीत आणि पटकथा असणारा हा चित्रपट ऑगस्ट महिन्यात म्हणजे पुढच्याच महिन्यात रिलीज होणार असल्याची माहिती अमृता फडणवीस यांनी दिली आहे.

अमृता फडणवीसांनी या चित्रपटाच्या टीमसोबतचे फोटो ट्वीटमध्ये शेअर केले आहेत. “गायक शान यांच्यासोबतच्या माझ्या रोमँटिक गाण्याच्या स्क्रीनिंगच्या वेळची छायाचित्र. हे गाणं विनोदी राजकीय टिप्पणी असणारा आगामी चित्रपट ‘लव्ह यू लोकतंत्र’ मधील आहे. हा चित्रपट आणि त्याचं संगीत ऑगस्ट २०२२मध्ये रिलीज होणार आहे”, असं या ट्वीटमध्ये अमृता फडणवीसांनी नमूद केलं आहे.