रमेश देव यांना श्रद्धांजली, रमेश भैय्या यांना मोठा भाऊ मानायचो-अशोक सराफ

अशोक सराफ यांनी म्हटलं की, "मोठा श्रेष्ठ आणि ज्येष्ठ नट आपल्यातून गेला माझ्या आयुष्यातलं पहिलं शूटिंग, पहिला शॉट मी त्यांच्यासोबत दिला होता. ही 1967 मधली गोष्ट आहे. त्यानंतर त्यांनी आणि मी बरेच चित्रपट केले."

मी त्यांना 'रमेश भैय्या' म्हणायचो, मोठा भाऊ मानायचो, असंही अशोक सराफ यांनी म्हटलं.

रमेश देव यांची एक आठवणही अशोक सराफ यांनी सांगितली. त्यांनी सांगितली, "रमेश देव माझ्या एका नाटकाच्या प्रयोगाला आले होते. प्रयोग संपल्यावर ते भेटायला आले आणि मला म्हणाले,की नको मित्रा, एवढं जास्ती करू. त्यांना माझी काळजी असायची."

महाराष्ट्राचे राज्यपाल भगतसिंह कोश्यारी यांनी रमेश देव यांना ट्विटरवरून श्रद्धांजली वाहिली आहे.

ज्येष्ठ चरित्र अभिनेते श्री रमेश देव यांच्या निधनाचे वृत्त समजून दुःख झाले. आपल्या सशक्त अभिनयाने त्यांनी अनेक भूमिका अजरामर केल्या. भावपूर्ण श्रद्धांजली