CPL T20 : १८ ऑगस्टपासून पहिल्या टी-२० लीग स्पर्धेला सुरुवात

सीपीएल टी-२० स्पर्धा ३४ दिवस खेळवली जाईल. याचा अंतिम सामना १० सप्टेंबर रोजी होईल. स्थानिक प्रशासन आणि सरकारकडून परवानगी मिळाल्याने ही स्पर्धा त्रिनिदाद अॅण्ड टोबॅगो येथे खेळवली जाणार आहे. 

स्पर्धेसाठी सर्व संघातील खेळाडू त्रिनिदादमध्ये दाखल झाल्यावर त्यांना दोन आठवडे क्वरंटाइन करण्यात येईल. परदेशातून येणार्‍या खेळाडूंची निघण्यापूर्वी आणि आयोजन स्थळी पोहचल्यावर करोना चाचणी घेतली जाईल.

ही स्पर्धा प्रेक्षकांशिवाय खेळवली जाईल. तसेच करोना संदर्भातील सर्व मार्गदर्शक नियमांचे पालन केले जाणार आहे. या स्पर्धेत भारतीय क्रिकेटपटू प्रवीण तांबे त्रिनबागो नाइट रायडर्स संघाकडून खेळताना दिसेल.