चीनच्या शांघाय शहरात कोरोनाचा उद्रेक,परिस्थिती अनियंत्रित ,लॉकडाऊन घोषित केले

चीनच्या आर्थिक केंद्र शांघायमधील लोक बुधवारी खाण्यापिण्यासाठी संघर्ष करताना दिसले. कोरोना लॉकडाऊनमुळे दोन कोटी 60 लाख लोकसंख्या घरात कैद झाली आहे. कोरोना तपासणीसाठी शहरातील सर्व सुपर मार्केट बंद करण्यात आले असून जीवनावश्यक वस्तूंवर बंदी घालण्यात आली आहे.  

शांघाय शहरात कोरोनाच्या वाढत्या रुग्णांमुळे शहरात बंदी घालण्याची ही पहिलीच वेळ नसली तरी गेल्या काही दिवसांपासून कोरोनाच्या रुग्णांमध्ये सातत्याने वाढ होत आहे. जोपर्यंत शहरभरातून सर्व नमुने घेतले जात नाहीत, तोपर्यंत निर्बंध हटवण्याचा विचार केला जाणार नाही, अशा कडक सूचना प्रशासनाने दिल्या आहेत.