नवनीत राणा यांचा कोरोना रिपोर्ट पुन्हा पॉझिटिव्ह

आमदार रवी राणा आणि खासदार नवनीत राणा यांना दोन दिवस आधी लिलावती रुग्णालयातून डिस्चार्ज देण्यात आला होता. रवी राणा यांना शनिवारी १४ ऑगस्ट तर नवनीत राणा यांना रविवारी १५ ऑगस्टला डिस्चार्ज मिळाला होता. यानंतर कोरोनाची कोणतीही लक्षणं त्यांना जाणवत नव्हती. सोमवारी मुंबई पालिकेच्या डॉक्टरांकडून त्यांची चाचणी करण्यात आली. यावेळी त्यांचा रिपोर्ट पॉझिटिव्ह आला. यामुळे महापालिका अधिकाऱ्यांनी त्यांना १५ दिवस होम क्वारंटाइनमध्ये राहण्याचा सल्ला दिला आहे.