कोरोना उपाययोजनांसाठी निलंगेकरांकडून एक कोटी

सध्या राज्यात कोरोनाच्या विषाणूचा प्रादुर्भाव होत आहे. जिल्ह्यात प्रशासनावतीने आरोग्य विभाग विविध उपाय करीत आहे. या प्रक्रियेत आपलेही योगदान असावे, या उद्देशाने माजी मंत्री संभाजी पाटील-निलंगेकर यांनी एक कोटी रुपये देण्याची घोषणा केली. यासंदर्भात निलंगेकर यांनी जिल्हाधिकार्यांयना पत्र दिले आहे.

या निधीतून उपजिल्हा रुग्णालये, ग्रामीण रुग्णालये व प्राथमिक आरोग्य केंद्रात व्हेंटिलेटरची सुविधा उपलब्ध करावी, असे त्यांनी जिल्हाधिकार्यांगना पाठवलेल्या पत्रात म्हटले आहे. या निधीतून कुठे व कसा खर्च केला जाईल, याची सविस्तर रूपरेषा आपणास सादर करावी, असे त्यांनी पत्रात म्हटले आहे.

कोरोनाचा प्रादुर्भाव रोखण्यासाठी शासन व प्रशासन प्रयत्न करीत आहे. लोकप्रतिनिधी त्यात अग्रेसर आहेत. संभाजी पाटील - निलंगेकर यांनी एक कोटी रुपयांचा निधी देण्याची घोषणा केली. हा निधी जिल्ह्यात सर्वाधिक आहे.