Daily Horoscope
✕

सीरमने फेकून दिले कोव्हिडच्या लशींचे 10 कोटी डोस

Updated: शनिवार, 22 ऑक्टोबर 2022 (11:52 IST)
 
देशभरात देण्यात आलेल्या एकूण लशींपैकी 90 टक्के लस कोव्हिशिल्ड होती.
 
कोरोना संकटादरम्यान भारतात 2 बिलिअन कोव्हिड लशीचे डोस नागरिकांना देण्यात आले. 70 टक्के कुटुंबांनी लशीचे दोन्ही डोस घेतले आहेत. केंद्रीय आरोग्य मंत्रालयाने यासंदर्भात माहिती दिली.
 
जानेवारी 2022 मध्ये भारताने आरोग्य क्षेत्रात तसंच आपात्कालीन सेवांमध्ये कार्यरत लोकांना लशीचा बूस्टर डोस उपलब्ध करून दिला. 60 वर्षांवरील नागरिकांना ज्यांना सहव्याधी आहेत त्यांनाही बूस्टर डोसची व्यवस्था करण्यात आली. काही महिन्यांनंतर सर्वच प्रौढ नागरिकांना बूस्टर डोस उपलब्ध करून देण्यात आला.
 
भारताच्या स्वातंत्र्याला 75 वर्ष झाल्यानिमित्ताने अर्थात अमृत महोत्सवानिमित्ताने जुलै महिन्यापासून सर्व प्रौढ नागरिकांना बूस्टर डोस मोफत उपलब्ध करून देण्यात आला.
 
भारतात 298 दशलक्ष कोरोना लशींचे डोस नागरिकांना दिल्याचं आरोग्य मंत्रालयाने म्हटलं आहे.
"बूस्टर डोसला मागणी नाही. कारण लोक आता कोरोनाला कंटाळले आहेत" असं पूनावाला यांनी माध्यम प्रतिनिधींशी बोलताना सांगितलं. "खरं सांगायचं तर मीही कंटाळलो आहे. आपण सगळेच कोरोनाने कंटाळून गेलो आहोत", असं पूनावाला म्हणाले.
 
पूनावाला यांच्या मते, सीरमकडे कोव्हिशिल्डचे 10 कोटी डोस उपलब्ध आहेत. या लशींची एक्स्पायरी डेट कालावधी 9 महिन्यांचा होता. महिनाभरापूर्वी ही तारीख उलटून गेली.
 
पुण्यात आयोजित 'डेव्हलपिंग कंट्रीज व्हॅक्सिन मॅन्युफॅक्चरर्स नेटवर्क'च्या (DCVMN) वार्षिक सर्वसाधारण सभेत पूनावाला बोलत होते. "येत्या काळात जेव्हा लोक फ्ल्यू शॉट घेतात तेव्हा कदाचित कोरोना लसही घेतील असं पूनावाला म्हणाले. भारतात फ्ल्यू शॉट घेण्याची पद्धत नाही, जशी पाश्चिमात्य देशांमध्ये आहे", असंही त्यांनी सांगितलं.
 
सीरमने कंपनीने बूस्टर डोसचा भाग असलेल्या कोव्होव्हॅक्स लशीसाठीच्या चाचण्या पूर्ण केल्या असल्याचं पूनावाला यांनी सांगितलं. पुढच्या दोन आठवड्यात या लशीच्या वापराला अनुमती मिळेल अशी आशा आहे असं ते म्हणाले.
 
ओमिक्रॉनला रोखण्यासाठी विशिष्ट अशा बूस्टर डोससाठी सीरमने अमेरिकेतील बायोटेक कंपनी नोव्हाव्हॅक्स कंपनीशी करार केल्याचं पूनावाला यांनी सांगितलं.

Published By - Priya Dixit 
 

सर्व पहा

देवाची पूजा करतांना कोणते स्तोत्र आवर्जून म्हणावे?

वास्तुशास्त्रानुसार या पाच वनस्पतींपैकी कोणतीही वनस्पती छतावर ठेवल्यास होतात हे नुकसान

Winter Breakfast हिवाळ्यात सकाळी नाश्त्याला कोणते पौष्टिक पदार्थ खावेत?

हिवाळ्यात अंघोळीनंतर त्वचा कोरडी पडते? ट्राय करा हे सोपे आणि प्रभावी घरगुती उपाय!

थंडीच्या दिवसांतही शरीर राहील हायड्रेटेड; हिवाळ्यात नारळ पाणी पिण्याचे ५ मोठे फायदे

सर्व पहा

LIVE: फडणवीस यांनी १८,००० गावांमध्ये महत्त्वाकांक्षी 'जलयुक्त शिवार ३.०' योजनेची घोषणा केली

Sant Namdev Maharaj Jayanti भक्त शिरोमणी संत नामदेव महाराज

LIVE: पुणे जिल्हा परिषदेने वर्ष २०२६-२७ साठी पशुसंवर्धन योजना सुरू केल्या

सरपंच बनण्याची इच्छा, पण जागा महिलांसाठी राखीव...४२ वर्षीय ऑटो चालकाची आत्महत्या

मुंबई शहर, उपनगरे, नवी मुंबई, ठाणे, पालघर आणि रायगड येथील लाखो प्रवाशांना फायदा होणार; मुंबई वॉटर मेट्रोच्या पहिल्या टप्प्याला मंजुरी

पुढील लेख
Show comments