1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified: बुधवार, 13 जुलै 2022 (16:14 IST)

मोठी बातमी !15 जुलैपासून 18 ते 59 वयोगटातील लोकांसाठी कोविड लसींचा बुस्टर डोस मोफत

Booster dose of covid vaccine
मोठा निर्णय घेत मोदी सरकारने आता कोरोना लसीचा बूस्टर डोस सर्वांना मोफत दिला आहे. 18 वर्षांपेक्षा जास्त वय असलेल्यांना बूस्टर डोस मोफत दिला जाईल. कोरोनाच्या वाढत्या रुग्णांच्या पार्श्वभूमीवर सरकारचा हा महत्त्वपूर्ण निर्णय असल्याचे मानले जात आहे. 
 
सध्या देशात दररोज 15 हजारांहून अधिक कोरोना रुग्णांची नोंद होत आहे. अशा परिस्थितीत प्रत्येकाने लसीकरण केले पाहिजे आणि हे लक्षात घेऊन सरकारने 18 वर्षांवरील व्यक्तींना बूस्टर डोस मोफत दिला आहे. 15 जुलैपासून बूस्टर डोसची ही मोहीम पुढील 75 दिवस चालवण्यात येणार असल्याची माहिती केंद्रीय मंत्री अनुराग ठाकूर यांनी दिली आहे. सध्या देशात 199कोटी लसीचे डोस लागू करण्यात आले आहेत.
 
आता मोफत बूस्टर डोस देण्याचा सरकारचा निर्णयही महत्त्वाचा आहे कारण देशातील बहुतेक लोकांना लसीचे दोन्ही डोस मिळाले आहेत .मात्र बुस्टर डोस घेण्याकडे निष्काळजीपणा दाखवला जात आहे. अशा परिस्थितीत लोकांमध्ये जागरूकता वाढते आणि ते पुढे येऊन लस घेतात, म्हणून सरकारने 75 दिवस मोफत बुस्टर डोस देण्याचा निर्णय घेतला आहे.   काही दिवसांपूर्वी सरकारने बूस्टर डोस घेण्याचे अंतरही कमी केले होते. पहिले दोन डोस घेतल्यानंतर 9 महिन्यांनंतरच एखाद्याला बूस्टर मिळू शकतो, परंतु आता तो वेळही कमी करून 6 महिन्यांवर आणला आहे.